Sangka siyam nga dag-on nga ungang eaeaki halin sa Pennsylvania nga naga-ambisyon nga maging astrophysicist ro mas pang nag-eapit sa anang handum matapos nga sa batang edad hay nag-graduate eon imaw sa high school.
Si David Balogun hay nag-umpisa nga magtuon sa Harrisburg-based Reach Cyber Charter School bilang third-grader ag makaron hay nataw-an it anang high school diploma matapos nga makompleto ro required classes virtually halin sa anang baeay sa Bensalem.
Sa makaron ro unga hay nakakompleto eon it sangka semester sa Bucks County Community College ag handum nga mapadayun ro pagtuon sa four-year college ukon university.
Nasayuran nga si Balogun hay nagatinguha man makaron nga maibalik ro anang pagiging black belter sa karate.
Maskin ro ginikanan it unga hay nagadayaw sa anang kaaeam bangud nga ro anang utok sigon hay may kapasidad nga maka intindi ag maka-comprehend it tanan nga mga konsepto nga sobra sa anang pang edaron.
