KALIBO, Aklan — Siyam pa eamang sa 17 nga banwa sa Aklan ro nataw-an it social pension para sa mga lolo ag lola.
Raya ro ginklaru ni Provincial Social Welfare and Development Office ukon PSWDO-Aklan Officer Evangeline Gallega.
Raya hay ginaeakipan it banwa it Makato, Malinao, Lezo, Nabas, Numancia, Altavas, Batan, Banga ag Balete.
Owa pa suno kana it schedule it distribution ro iba pang mga banwa bangud nga may pilang gina-ayos pa.
Samtang, ginkumpirma ni Gallega nga umpisa makaron nga dag-on, ro pag-release it pension para sa mga senior citizens hay pagahimuon eon it daywang beses halin sa dating “quarterly distribution” nga ginaeakipan it tig-P3,000 kada release.
Ginpaathag kara nga ro pagbag-o sa sistema hay tuga it kakueangan it bastanteng oras sa mga field office agud nga makompleto ro cleansing it andang database antes nga bayaran ro mga pensioners.
Importante suno kana raya agud nga masiguro nga ro kwarta hay maagto sa nagakabagay nga benepisyaryo.
Mag-eowas kara ro mga taga-DSWD mismo ro naga-distribute makaron it kwarta ag owa eon ginapa-agi sa LGU.
