9 patay sa pagpangbaril it 14-anyos nga estudyante sa Serbia

Patay ro  waeong estudyante ag  security guard matapos nga sanda hay pagpangbarilon it  14-anyos nga suspek sa sangka eskwelahan  sa Belgrade, Serbia.

Nag-eontad ro insidente sa Vladislav Ribnikar school  it central Vracar.

Ro  mga biktima hay ginakaeakipan it pitong babaye ag sangka eaeaki nga ro pinakabata hay edad 14.

Ninahan man sa insidente ro ap-at nga eaeaki ag daywang babaye.

Base sa imbestigasyon it mga otoridad nga pinagplanuhan  it  suspek it pilang buean ro pagpamaril kun siin nakita nanda sa anang pungkuan  sa classroom ro  listahan it anang mga target.

Pagsueod sa eskwelahan it  suspek hay insigida rayang  nagpasabog it molotov bomb ag gilayon nga ginbaril  ro guardiyang nakaduty.