KALIBO, AKLAN — Perwisyo ro inabot it mga commuters bangud halos 90% it mga public utility jeepney ag bus drivers ag operators ro nagpasakop sa maeapnagong untat pasada sa probinsiya it Aklan.
Suno kay Mr. Kim Sin Tugna, provincial coordinator it PISTON-Aklan nga ro transport strike hay pinangunahan it Federation of Aklan Integrated Transport Inc. (FAIPTI) nga pumaralisa sa biyahe it mga pampasaherong saeakyan sa Aklan ag banwa it Kalibo.
Sinuportahan sigon ro untat pasada it mga operators ag drivers it mga bus, multicab ag jeepney agud kontrahon ro pag-phase-out it Land Transportation Franchising and Regulatory Board (LTFRB) sa mga lumang jeep ag padayun nga pagtaas it presyo it produktong petrolyo.
Bukon man sigon sanda it pabor sa gina tanyag nga soft loan it LTFRB para sa nasambitang modernization.
Ro transport strike hay gin umpisahan bandang alas-12:01 kaina it kaaganhon.
Samtang, owa it suspension it klase sa tanan nga lebel sa pribado ag pampublikong eskwelahan kamana nga business as usual ro mga taeatapan it gobyerno kaibahan eon ro mga bangko ag iba pang establisimento sa Kalibo.
Sa pihak nga parte, padayun nga naka-alerto ro Aklan Police Provincial Office (APPO) agud mapabilin ro police visibility.
Nagtanyag man ro PNP it libreng sakay sa mga apektadong pasahero.
