-- ADVERTISEMENT --
NATIONAL News — Naga-abot sa 900,000 accounts ro naka-block makaron sa financial application nga GCash nga eakot sigon sa fraudulent activities.
Suno sa GCash, ginhimo ro nasambit nga tikang sa sueod it unang tatlong buean it 2022 sa bulig it National Bureau of Investigation ag Philippine National Police nga nagatuyo nga protektahan ro mga customer kontra sa pagpangloko ukon scam gamit ro andang platform.
Ginpadumdum man ni GCash president and Chief Executive Officer Martha Sazon ro publiko nga mag-dahan sa mga online scam.
Gin-engganyo man kara ro mga user it app nga indi i-share ro adlang MPIN ukon one-time password.
