-- ADVERTISEMENT --
KALIBO, Aklan—Uman nga nakalista it 91 nga mga bag-ong kaso it Coronavirus Disease 2019 ukon COVID-19 sa bilog nga probinsya it Aklan.
Bangud kara, humampak eon sa 4,126 ro kabilugan nga numero it mga tinamaan it sakit sa probinsya umpisa nga magtuhaw ro pandemya.
Sa pihak kara, nakalista man ro Provincial Health Office it kapin sa 74 nga bag-ong nagmayad rason para sumaka eon sa 3,115 ro total recoveries.
Samtang, sambilog man ro nadugang sa numero it mga namatay rason nga nag-abot eon sa 96 ro total deaths matapos nga dapuan it COVID-19 infection.
Sa makaron, 915 pa ro nabilin nga aktibong kaso nga ginakaeakipan it 781 nga naka-Facility Quarantine, 69 nga naka-Home Quarantine ag 65 Admitted sa COVID ward it Aklan Provincial Hospital.
-- ADVERTISEMENT --
