Gin-anunsyo it 95-anyos nga Italian cinema actress Gina Lollobrigida nga imaw hay magapadaeagan sa pagka-senador sa andang nasyon sa masunod nga buean.
Napilitan nga magpatigayun it eleksyon matapos nga bungkagon ni President Sergio Mattarella ro Parliyamento ko Hulyo bangud sa pagpanaog sa puwesto ni Prime Minister Mario Draghi.
Magiging kandidata ro actress it Sovereign and Popular Italy Party sa siyudad it Latina.
Ginpahayag kara nga rason nga gusto nana nga magsueod sa pulitika hay bangud gaoy eon imaw nga makabati it mga argumento it mga mamalidha.
Ginpasiguro man kara nga makabaton it hustisya ag tamang benepisyong pang kaeawasan ro mga tawo rason nga nagdesidir imaw nga magdaeagan sa eleksyon.
Ko 2018 kat mataw-an it Hollywood Walk of Fame ro actress.
Bumida ro actress sa pilang pelikula kapareho it “The Hunchback of Notre Dame” ag “Come September” ko 1961.
Dag-on 1999 kat nagdaeagan imaw sa European Parliament apang napas-eawan.
