Sangka 95-anyos nga eaeaki sa Cardiff, United Kingdom ro nagpamatuod nga owa it temprano ukon late sa pag-higugma matapos imaw nga magpakasae sa unang kahigayunan sa anang one true love.
Nakilaea ni Julian Moyle ro anang bride nga si Valerie Williams, may 23 anyos eon ro nagtaliwan sa Cavalry Baptists Church sa Cardiff, U.K.
Si Valerie hay 84-anyos eon makaron.
Ko nagtaliwan nga Pebrero 2022, nag-propose si Moyle kay Valerie ag nagpakasae sanda ko nagtaliwan nga Huwebes , Mayo 19 sa simbahan kun sa siin man sanda unang nagkakilaea.
Gintambungan it 40 nanda nga igbata ag amigo ro andang pagpakasae.
Natawo sa Australia si Moyle ag nag-migrate sa U.K. ko 1954.
Soloist imaw sa Welsh National Opera.
Bangud nga tutok sa anang career bilang singer, owa naging priority ni Moyle ro pag-asawa ko anang kabataan.
Pagkatapos it andang kasae, nag-agto ro newlyweds sa Australia para sa andang honeymoon.
Sanday Julian Moyle, 95-anyos ag anang bride nga si Valerie Williams, 84 anyos.
