Sa pihak it mga hangkat nga nag-abot makaron nga dag-on, kaabuan sa mga Pilipino hay haom nga sug-aeawon ro 2023 nga may pag-eaom.
Raya ro nagaguwa sa survey nga ginpatigayon it Social Weather Station (SWS) umpisa Disyembre 10 hasta 14 nga nagapakita nga 95 percent sa mga Pinoy ro naga-eaom nga pagasug-aeawon ro bag-ong dag-on nga may pag-eaom kaysa kahadlok.
Samtang , ro numero it mga Pilipinong magasueod sa 2023 nga may kahadlok, hay 5 porsyento kung siin sangkiri nga nagnaba maghalin sa 7 porsyento ko 2020 ag 2021.
Mas maabo man nga Pilipino ro ‘optimistic’ sa bag-ong dag-on kumpara sa mga naghueat it masadya nga Pakswa.
Sa pihak nga parte, nagaguwa man sa survey nga 74 porsiyento it mga Pilipino hay nagahandom nga bag-uhon ro andang kaugalingon para sa 2023, samtang 20 porsiyento ro nagapahayag nga owa sanda it pagabag-uhon sa andang kabuhi.
