97-anyos nga ex-PM it Malaysia nga si Mahatir Mohamad uman nga magadaeagan sa puwesto

Gin-anunsyo ni dating Malaysian Prime Minister Mahatir Mohamad nga uman imaw nga magadaeagan sa parliamento sa maabot nga general election.

Raya hay sa pihak it sa edad kara nga 97 anyos ag makapilang beses eon nga gindaea sa ospital.

Ginpahayag kara nga naging manami eon ro anang kaeawasan matapos nga ma-ospital bangud sa problema sa anang tagipusuon.

Daywang beses eon imaw nga naging prime minister Malaysia ag sa sueod it 22 anyos nga pagserbisyo hay ginbutang imaw ko 2018 sa puwesto sa edad nga 92.