Ligtas na nakabalik sa Pilipinas ang 99 Pilipino mula Kuwait matapos palakasin ng pamahalaan ang repatriation efforts sa gitna ng tensyon sa Gitnang Silangan.
Binubuo ang grupo ng 73 overseas Filipino workers at 26 dependents na dumaan muna sa Saudi Arabia bago lumipad patungong Maynila dahil sa limitadong flights at saradong airspace.
Pagdating sa Ninoy Aquino International Airport, tumanggap ang mga repatriate ng tulong mula sa OWWA at Department of Migrant Workers, kabilang ang pagkain, transportasyon, at pansamantalang matutuluyan.
Inaasahan pa ang pagdating ng karagdagang 290 Pilipino sa mga susunod na araw, na magdadala sa kabuuang bilang ng mga iuuwi mula Kuwait sa 530 bago matapos ang linggo.
Isinasagawa ang repatriation bilang bahagi ng direktiba ng pamahalaan upang matiyak ang kaligtasan at kapakanan ng mga Pilipino sa ibang bansa.
