KALIBO, Aklan—Ginlaygayan it Civil Service Commission ro mga examinees para sa nagahilapit nga March 15, 2020 career service examination-pen and paper test para sa Professional ag Subprofessional levels nga usuyon ro andang school assignment ag bisitahan ro naka-assign kanda nga eskwelahan ukon testing venue agud nga maging familiar kara.
Suno kay Ferdinand Macogue, supervising human resource officer it Civil Service Commission ukon CSC-Aklan nga pwedeng i-check it mga examinees ro andang school assignments pinaagi sa online notice of school assignment nga naka-post sa website it CSC.
Ro mga indi maka-access sa ONSA hay pwedeng magtawag ukon mag-agto sa andang opisina.
Samtang, gindugang pa ni Macogue nga hugut nga ginapatuman it CSC ro “No I.D., No Exam” policy.
Kinahangean nga ipakita nanda ro andang valid I.D. card sa mismong adlaw it eksaminasyon.// ginlaygayan man ro mga examinees nga tempranong mag-agto ukon mas mayad kon alas- 6:00 it agahon agud nga ma-verify ag mausoy ro room assignment.
Igasarado ro gates it testing venues sa mga examinees it alas 7:30 it agahon ag indi eon pagabatunon ro mga ulihi.
Ro mapas-eawan nga makabo-oe it exam hay indi eon pagpasugtan nga magpa-reschedule.
Dapat man nga magsuksok it proper attire kun sa siin ro mga sleeveless, short pants, ag tsinelas hay owa ginapasugtan.
Ro itom eamang nga ball pen ro ginapasugtan nga gamiton sa pagsabat sa answer sheet.
Nasayuran nga masobra sa 1,700 ro examinees para sa nagahilapit nga Marso 15.
