-- ADVERTISEMENT --
Kalibo Aklan —–Putoe ro tudlo it sangka padre de pamilya matapos nga sipa-on it kapin sa 256 kilos nga baboy.
Ro biktima hay ginkilaea kay Jerry Asiong ag residente it Brgy. Pagsangjan Banga.
Nasayuran nga kahapon mga bandang 10:00 sa agahon kat nagbulig sa pagkatay it baboy ro biktima sa sangka namatyan.
Matapos sigon nga eoeo-on ro baboy hay nag-eaom eun sandang nga patay raya ag ginhubaran it higot apang ko ulihi hay nahimo pa karang magpanipa.
Naigo ro ring finger it biktima ag natigayon nga mautod.
-- ADVERTISEMENT --
May kaangtanan kara, padayun pang gin-obserbahan sa Aklan Provincial Hospital ro biktima ag nakataeana nga paga-operahan.
