Kalibo Aklan——Ginahueat eon lang ro guidelines it National Inter-agency Task Force on Emerging Infectious Diseases angot sa pagpasugot sa mga angkas sa motorsiklo ukon backriding nga ginahirit it mga pumueuyu bilang arternatibo nga transportasyon sa tiempo it coronavirus disease (COVID-19) crisis.
Suno kay Governor Florencio Miraflores nga mabahoe ro posibilidad nga raya hay pasugtan apang “for private use” eamang .
Raya hay nagakahueugan suno kana nga bawae pa ro mga habal-habal ag angkas sa Metro Manila.
Gina estudyuhan sigon it IATF ro pinaka-eowas ag pinaka-epektibong pamaagi agud nga mabawasan ro transmission sa backriding sa mga motorsiklo.
Samtang, nakataeanang makipagpueong si Governor Miraflores sa mga opisyal it Department of Education agud nga matalakay ro mga plano sa pagtinueun-an it mga learners sa idaeum it new normal .
