Kalibo Aklan ——-Ginaeauman nga sa buean it Hulyo hay magiging operational eon ro Molecular Testing Laboratory sa Aklan Provincial Hospital.
Suno kay Governor Florencio Miraflores nga importante ro nasambit nga laboratoryo agud nga matapna ro pagkalhit it makataeapon ag makamaeatay nga coronavirus disease (COVID-19).
Gindugang pa ni Gov Miraflores nga nag-abot eon sa probinsiya ro PCR machine ag ibang mga kagamitan.
Igapaidaeum man sa training ro iga-assign nga MedTech sa nasambit nga pasilidad.
Gindugang pa it opisyal nga mabahoe nga bulig ro molecular testing laboratory bangud nga insigidang masayuran ro resulta it mga ginapa-examine nga specimen sample ag indi eon kinahangean nga ibiyahe sa Western Visayas Medical Center sa siyudad it Iloilo.
Sa pihak nga parte, kuntento sigon imaw sa trabaho it mga Barangay Health and Emergency Response Team (BHERTs) sa andang contact tracing.
Nagapabilin man nga preparado ro isolation room sa Provincial Hospital.
