Kalibo Aklan ——-Presenteng naka-oxygen sa Aklan Provincial Hospital ro sangka construction worker matapos nga bumaliskad ro ginamanehong tricycle tuga it sobrang kahilungon kahapon sa boundary it Brgy. Polo ag Brgy. Badiangan, Banga.
Gikilaea ro biktima kay Jacky Gumban, 25-anyos, residente it Brgy. Polo sa nasambitang banwa.
Base sa pagpangusisa, halin sigon sa anang ginatrabahuhan sa bahin it Brgy. Badiangan ro biktima ag nagapauli eon kunta kat pag-abot nana sa pakurbada nga porsyon it nasambitang lugar hay gulpi eamang tumanga ro ginasakyan karang tricycle srason para raya hay bumaliskad.
Owa eon sigon nadumduman it biktima ro masunod nga mga natabo bangud nadueaan imaw it alintro.
Sa makarun hay padayun pang gina-obserbahan sa ospital ro biktima para sa nagakaigo nga pagbueong.
