-- ADVERTISEMENT --
Kalibo Aklan —–Landing sa Aklan Provincial Hospital ro sangka motorista matapos nga maaksidente sa national highway nga sakop it Brgy. Laguinbanwa East, Numancia.
Base sa report, ginkilaea ro driver nga si Rojiel Constantino, 37-anyos, residente it Brgy. Dumga, Makato.
Ginasugid nga una sa idaeom ko impluwensya it aeak si Constantino rason nga natigayon kara nga nasunggaban ro nakaparking nga trucking nga nagresulta sa anang pagkadisgrasya.
Si Constantino hay nakaangkon it lastro ag kasakitan sa nagkaeain-eain nga parte it eawas ag presenteng naka-confine sa nasambit nga hospital para sa anang nagakaigong pagbueong.
