-- ADVERTISEMENT --
Kalibo Aklan ——Nakit-an eon ro eawas it sangka binatilyo nga ginbaril-patay sa sangka pribadong tangke sa Brgy. Ipil Batan.
Suno kay Kapitan Erlie Bulanag it Brgy Ipil Batan nga bandang 7:30 kabi-e kat nakabatun sanda it tawag maghalin sa sangka pomoeuyo it lugar angot sa nabatian karang mga eupok it baril nga ginsundan man it paninggiton it biktima nga nagapangayo it tabang.
Ginkilaea ni Kapitana ro biktima nga si Reynaldo Tupas alyas Igol ag nagatrabaho bilang manugbaligya it kahoy sa andang lugar.
Nasayuran nga naga-isaeahanon eamang ro biktima sa anang panimaeay ag owa it maeain nga record sa andang Barangay.
Sa makarun hay padayun pang gina-imbestigahan it mga otoridad ro insidente.
-- ADVERTISEMENT --
