Kalibo Aklan ——–Nagapangatubang sa penalidad ro waeong ka mga indibidwal matapos nga nag-eabag sa Presidential Decree 1602 ukon mas kilaea sa Anti-Illegal Gambling sa Purok 4 C. Laserna Street, Kalibo.
Base sa report, naaktuhan nga nagahampang it sugae nga poker sanday Darryl Andrade, 49-anyos ag Jose Reodava, 50-anyos it Pastrana Street; Erwin Bañez, 32-anyos it Purok 2 C. Laserna St.; Abener Isaran, 62-anyos it Regalado Street; May Gayagoy, 50-anyis it Purok 6 C. Laserna Street; Jordan Torea, 48-anyos ag Carlo Palma, 38-anyos it N. Roldan Street ag Jomer Saldellosa, 48-anyos it Concepcion Street, Kalibo.
Narekober sa anda nga posisyon ag kontrol ro kapin sa P3,060 nga gingamit bilang taya ag tatlong ka mga set it baraha.
Ro nasambit nga persona hay presenteng nakakulong sa locked up cell it Kalibo Police Station para sa nagakaigong disposisyon.
