-- ADVERTISEMENT --
Kalibo Aklan ——-Sangka wanted person ro natigayon nga naaresto it pulisya sa Brgy. Camanci Sur, Numancia.
Ginkilaea ro akusado nga si Arvin Venancio, 26-anyos ag residente it nasambit nga lugar.
Si Venancio hay gin-aresto pinaagi sa gahum it warrant of arrest sa kasong serious physical injury nga may criminal case number C-66-20 nga ginpirmahan ag ginpaguwa ni Hon. Joan Mariz Vargas, presiding judge it Malinao Municipal Trial Court.
Kapin sa P18,000 pesos ro gintaeana nga pyansa it korte para sa temporaryong kahilwayan it nasambit nga akusado.
