‘Artificial white sand’ sa Manila Bay posibleng magtuga it komplikasyon sa baga – Usec. Vergeire

Kalibo Aklan ——–Nagpaandam ro Department of Health (DOH) kaangot sa peligrosong epekto sa ikamayad nga eawas it artificial white sand nga gin-pwesto sa Manila Bay.

Kasunod raya sa pag-ako it Malacañang nga bukon it purong puting baeas ro ginagamit sa pagpanami ko binit it dagat it Maynila kundi ginpino nga dolomite boulders halin sa Cebu.

Mag-eowas sa baga, posible man sigon nga maapektuhan ro gastrointestinal system ukon tina-i it tawo kon raya hay uwa ginahungod nga makaon.

Posibleng magatuga it pagpanakit it tiyan ag paghigko.

Sa pihak kara, nagapati si Vergeire nga nagaagi man sa maid-id nga pagtuon it mga eksperto sa Department of Environment and Natural Resources (DENR) ro proyekto antes raya gin-aprubahan.