Kalibo Aklan ——-Ginakalipay nga i-anunsyo it Numancia Municipal Health Office nga ro siyam ka mga indibidwal nga gina-alegar nga direktang nakasalamuha it andang ikalimang postibong kaso it Coronavirus Disease 2019 ukon COVID-19 hay nagnegatibo sa Real time reverse Transcription Polymerase Chain Reaction (RT-PCR test).
Base sa andang ginpagguwa nga official statement, nagguwa ro resulta it nasambitang mga indibidwal kahapon, Setyembre 11, 2020.
Angot kara, magapadayun pa gihapon sa ro ginahimo nga strict monitoring sa mga nasambit nga persona agud nga masunod ro ginpagguwa nga protocol it Department of Health (DOH).
Kasunod it rayang manami nga balita, gina-engganyo man gihapon ro tanan nga padayun nga magsunod sa minimum health standards nga ginpagguwa it health authorities agud nga indi eon magkalhit pa ro makamaeatay nga sakit.
