Kalibo Aklan———Ginrekomenda it task force nga nag-imbestiga sa anomalya sa Philippine Health Insurance Corp. (PHILHEALTH) kay Pangueong Rodrigo Duterte nga pasakaan it kasong kriminal ro nagresign nga president ag CEO nga si Ricardo Morales kaeakip ro iba pang matag-as nga opisyal.
Una kara, nagpatigayon ro Task Force PhilHealth it pitong hearings nga umabot sa 30 oras sa nagkaeain-eain nga petsa.
Sa mga ginpatigayon nga pagpamati, nakipagbahin ro mga representatives halin sa participating agencies it Task Force.
Ro Task Force hay gin-organisa it DoJ kasunod it Memorandum halin sa Presidente nga may petsang Agosto 7, 2020.
Sa public address it Presidente, Lunes it gabi-e hay ana nga gin-aprubahan ro rekomendasyon it nasambit nga task force.
Madumdumang ginbulgar it whistle blower nga may P15 billion nga pondo ro gintunga-tunga it mga opisyal it PHILHEALTH.
