Kalibo Aklan ——Gintapos eon ni Angel Locsin ro mga istorya nga bueag eon sigon sanda it fiance nga si Neil Arce.
Sa anang Instagram, nagpost raya it mga screen capture ag pilang mga YouTube videos nga nagapahayag nga bueag eon sigon sanda nga daywa.
Suno sa aktres, inde sigon kara maintindihan kon ham-an it may mga ibang tawo nga interesado nga sanda hay magbueag.
Ginpahayag dugang ni Angel nga posibleng sa masunod nga dag-on hay madayon eon ro andang kasae ag ginapamatud-an kara nga “fake news” ro nasambit nga istorya.
Nagguwa ro isyu matapos nga ipaiway it daywa ro andang kasae makaron nga dag-on bangud sa coronavirus pandemic.
June 2019 kat nagguwa ro engagement it daywa kon sa siin sa nasambit man nga buean gin-umpisahan it daywa ro pagplano sa andang kasae.
