Kalibo Aklan ——-Ninahan nga gindaea sa Aklan Provincial Hospital ro sangka eaeaki matapos nga mabun-an sa Brgy. Linabuan Sur, Banga.
Ginkilaea ni P/Staff Sgt. Elmar Relente it Banga PNP ro biktimang si Hermie Flores, 34-anyos samtang ro suspek hay ginkilaeang si Benjie Remis, sa legal nga edad ag parehong residente it Brgy. Jumarap sa nasambit nga banwa.
Base sa inisyal nga imbestigasyon it pulisya, samtang nakikipag-inuman si Flores sa anang mga kakilaea sa panimaeay ni Jessie Billones hay gulpi eamang sigon nga nag-abot si Remis nga una man sa idaeom ko impluwensya it aeak ag gilayon nga ginbuno sa dughan ro biktima sa inde pa matumod nga rason.
Bangud kara, nakaangkon imaw it lastro nga insigida man nga nadaea sa nasambit nga hospital kon sa siin imaw sa makaron naka-confine para sa anang nagakaigong medikasyon.
Samtang, nakakulong eon makaron sa Banga PNP si Remis para man sa nagakaigong disposisyon.
