Kalibo Aklan ——–Padayon nga ginatugis it pulisya ro sangka 19-anyos nga eaeaki nga imaw ro ginatumod nga nagkastigo sa sangka 44-anyos nga construction worker nga natabo sa Sitio Tampogaling, Brgy. Linabuan Norte, Kalibo.
Base sa report, nakaangkon it kasakitan ag lastro sa nagkaeain-eain nga parte it kaeawasan ro tagreklamong si Mariano San Miguel matapos nga ginasugid nga ginkastigo it ginatumod nga suspek nga si Janzeb Gallano ag parehong residente it nasambit nga lugar.
Ginapabutyag nga samtang naga-inuman ro daywa hay gulpi eamang sigon nga tumindog ro suspek ag ginkastigo ro biktima.
Matapos ro insidente hay madasig nga nakapaeagyo ro suspek samtang si San Miguel hay gilayon man nga nagreport sa taeatapan it pulisya ag haom nga magpasaka it kasong physical injury kontra sa nasambit nga suspek.
