Kalibo Aklan ——–Nasapwan nga uwa eon it kabuhi ro sangka 35-anyos nga eaeaki matapos nga nagpakamatay sa Sitio Sentro Brgy. Polo, New Washington.
Ginkilaea it New Washington PNP ro biktima nga si Daryll Valeriano, may asawa ag residente it nasambit nga lugar.
Sa inisyal nga imbestigasyon it pulisya, nasapwan eon lang sigon it anang pamilya nga nakabitay ro biktima gamit ro sangka plastic nylon.
Ginasugid nga si Valeriano hay naga-isaeahanon eamang sa andang panimaeay matapos nga ro anang asawa ag daywang ka mga onga hay nag-uli sa Brgy. Camaligan, Batan.
Posible sigon nga problema sa pamilya ro nagtueod sa biktima agud nga utason ro anang kaugalingon nga hueam nga kinabuhi.
Ro insidente hay padayon pang ginaimbestigahan it New Washington PNP para sa nagakaigong disposisyon.
