Kalibo Aklan ———Posibleng magapangatubang sa kasong physical injury ro sangka eaeaki matapos nga magpangkastigo sa Brgy. Estancia, Kalibo.
Ginkilaea ro suspek nga si Ryan De Felipe, 29-anyos samtang ro tagreklamo hay ginkilaeang si Juda Bautista, 20-anyos ag parehong residente it nasambit nga lugar.
Base sa inisyal nga imbestigasyon it Kalibo PNP, samtang nagapanikangon si Bautista pauli sa andang panimaeay halin sa baeay ko ana nga tiyo hay ana sigon raya ana nga nasub-eang ro suspek nga una sa impluwensya it aeak.
May kaangtanan kara, gulpi nana nga ginpaeapitan si Bautista ag ginkastigo pinaagi sa pagtapongoe ag makapilang beses nga ginsipa nga gintunaan it anang pagkaangkon it lastro ag kasakitan sa pilang parte it kaeawasan.
Bangud kara, insigidang nagdangop sa taeatapan it pulisya si Bautista para sa nagakaigong disposisyon.
