Kalibo Aklan ——-Haeos indi makapati ro sangka eaeaki matapos nga masayuran nga napatay kara ro anang amigo nga anang gintueop samtang nga naga-inuman sa Brgy. Fatima sa banwa it New Washington.
Suno sa suspek nga si Jhojiel Ighot nga natabu ro insidente samtang nakikipag-inuman imaw sa biktimang si Dioneto de Pedro, 27 anyos ag bayaw kara nga si John Daven Armenio , mga mangingisda ag parehong residente it nasambit nga lugar.
Nakaangkon sigon sanda it mainitang diskusyon it biktima angot sa andang bayad sa sang adlaw nga pag-obra it lambat, kun sa siin hay nagaduda ro suspek nga ginsolo raya it anang amigo.
Bangud kara, gintueop it suspek ro biktima ag natumba si de Pedro.
Bangud sa kabaskog it bayo ni ighot hay nabagok ro ueo ni de Pedro sa anang pagtumba sa matig-a nga bagay nga naging rason it anang kamatayon .
Matapos nga makita ro insidente, ginbunaean man it bangko it bayaw it biktima ro suspek rason nga nakaangkon man raya it nina sa anang ueo .
Sa interview it Bombo Radyo, nagpanindugan si ighot nga owa nana ginahungod ro insidente ag aksidente eamang.
