-- ADVERTISEMENT --
Kalibo Aklan——-Gin-insister ni Trade Secretary Ramon Lopez nga kinahang-ean eon magbukas it mas maabong negosyo sa mga lugar nga una sa idaeom it General Community Quarantine (GCQ) ukon Modified GCQ ag pasugtang maka-operate sa andang 100% kapasidad.
Raya sigon hay para ibangon ro ekonomiya it nasyon halin sa epekto it COVID-19 pandemic.
Maskin gin-ako ni Lopez nga posibleng almahan it mga health workers ro anang apela, ginpahayag kara nga ginatinguhaan it ahensya nga magarantiya ro pagpatumad it mas striktong health protocols agud mapunggan ro pagkalhit it coronavirus.
Suno kana, maskin una sa GCQ ukon MGCQ ro Metro Manila hay dapat magbukas gihapon it mas maabong negosyo.
