Kalibo Aklan ——–Ginsuspinde ro sangka mamalidha sa Argentina matapos nana nga haruan sa dughan ro anang life partner samtang nga nagatambong sa sesyon it kapueungan nga naka-videoconference.
Ro iskandalo, insigidang nagkalhit sa social media.
Base sa report, makita sigon ro mga mamalidha kaibahan ro naging kontrobersiyal nga si Juan Emilio Ameri sa sangka mabahoe nga video screen nga ginbutang sa kapueungan .
Samtang nga nagahambae ro sangka mamalidha, makita sa screen si Ameri nga nakikipaglambingan sa sangka babaye nga nakapungko sa anang kilid .
Ko ulihi hay ginbo-oe ni Ameri, representante it probinsiya it Salta, ro eambong it babaye ag gin-umpisahan nga haruan ro anang dughan .
Bangud kara, temporaryong ginpundo ni Speaker Sergio Massa ro sesyon.
Ginkakibot ni Ameri, 47-anyos, ro hitabu ag nagpangayo it pasaylo .
Gineaum sigon nana nga owa naka-connect ro anang internet ko rato nga mga tiempo.
Bangud sa anang ginhimo, limang adlaw imaw nga ginsuspinde it liderato it kapueungan.
