Kalibo Aklan ——-Gin-aprubahan eon it board it Pag-IBIG Fund ro 2 bueang grace period.
Apang, kon gusto gihapon it miyembro nga magbayad it utang maskin may grace period pagabatunon raya it Pag-IBIG ag pagakabigon nga advance payment.
Bangud nga daywang buean nga inde magbayad, magahaba man ro payment period it pagbayad it utang.
Pwede man bayaran sa kahabaon it loan term ro interes.
Aprubado eon man ro special housing loan restructuring kon sa siin makapanipueos ro kapin sa 100,000 nga may utang nga nabudlayan magbayad bangud sa pandemya.
Kakas sigon tanan nga penalty ag sueod eon ro mga uwa nakabayad halin Setyembre 2019 ukon 12 bueang late ro bayad.
Samtang, paaprubahan man it Government Service Insurance System (GSIS) sa board makaron nga dominggo ro 2 months moratorium sa pagbayad it utang.
Plano it GSIS nga paabuton it Paskwa nga uwa anay it kaltas sa suweldo rason nga pagahambaean nanda ro mga ahensiya it gobyerno nga inde mag-deduct it bayad-utang sa November ag December.
