Kalibo Aklan ——–Sangka waeong dag-on nga ungang eaeaki ro natigayon nga nasunggaban it motorsiklo sa Brgy. Toralba, Banga.
Ginkilaea ro biktimang si Vincent Narosa samtang ro motorista hay ginkilaeang si Mark Jay Jusico, 18-anyos ag residente it Brgy. Bacan sa nasambit nga banwa.
Base sa report, nagatabok ro onga kat gulpi eamang raya nga nasunggaban it motorsiklo bangud nga may kadasigon ro pagpadaeagan ko driver it anang behikulo.
Bangud kara, nakaangkon it kasakitan ag lastro sa nagkaeain-eain nga parte it kaeawasan ro biktima nga insigida man nga gindaea sa Aklan provincial hospital kon sa siin imaw sa makaron naka-confine para sa anang nagakaigong pagbueong.
Samtang, ro insidente hay padayon pang ginaimbestigahan it Banga PNP para sa nagakaigong disposisyon.
