Health News ——–Nagguwa sa pagtuon it World Health Organization (WHO) nga haeos uwa it naging epekto sa mga COVID-19 patients sa ospital ro ginpatigayon nandang Solidarity Trial sa nagkaeain-eain nga klase it bueong.
Kaibahan sa mga gintun-an ag ginamit it institusyon bilang regimen ukon treatment drug sa mga pasyente hay ro remdesivir (anti-Ebola), hydroxychloroquine (anti-malaria), lopinavir/ritonavir (HIV treatment), ag interferon.
Tanan sigon raya hay uwa nagpakita it mabahoe nga pagbag-o sa estado it mga ginamitang pasyente.
Masobra sa 30 ka nasyon ro nagpatigayon it trials, kaeakip eon ro Pilipinas, kon sa siin gintan-aw ro epekto it mga bueong sa mga pasyenteng nakaangkon it posibilidad nga mamatay, gamitan it ventilation ukon may mas mabuhay nga pagpabilin sa ospital.
Gin-anunsiyo man it WHO nga ginakonsidera man para sa evaluation ro iba pang antiviral drugs kaparehas it immunomodulators ag anti-SARS COV-2 monoclonal antibodies.
