Balitang Espesyal——–Sambilog eang ro mata ag kulay puti pa.
Raya ro kondisyon it sangka baby shark nga nakit-an sa tiyan it sangka namatay nga pating, nga ginkakibot it pilang mangingisda sa Indonesia.
Ginasugid nga namatay ro mother shark matapos raya nga madakpan sa lambat.
Kat kiwa-on it mga mangingisda ro tiyan it pating agud nga boe-on ro anang kasudlan, nakita nanda ro tatlong maisot nga pating kaibahan ro tumaeagsahon ro “albino one-eyed shark.”
Suno sa mga mangingisda, bilog ag normal man ro ibang parte it eawas it makaeoeo-oy nga pating, mag-eowas sa kulay ag sambilog nana nga mata sa tunga it anang ueo.
Owa man nabuhi pa ro eapsag nga pating .
Suno sa mga siyentipiko, may kondisyong Cyclopia ro eapsag nga pating, nga sangka congenital disorder kun sa siin sangka mata eang ro nabilog kara .
May una man nga “albinism” ro baby shark rason nga manaba ro melanin kara, rason nga maputi ro anang kulay.
Bangud sa kondisyon, mabudlayan man sigon nga mabuhi it mabuhay ro baby shark sa guwa it tiyan suno pa sa mga eksperto.
Bukon sigon it raya ro unang beses nga may nakit-an nga “Cyclops shark.”
Ko 2011, may nakakita man sigon sa makarondaya nga pating ro sangka mangingisda sa Amerika.
