Bastante ro pondo para buligan ro mga distressed, displaced OFWs bangud sa COVID-19 pandemic – DOLE

Business News ——- Ginpasiguro it Department of Labor and Employment (DOLE) nga may bastanteng pondo ro gobyerno para solusyunan ro kinahang-eanon it mga Overseas Filipino Workers (OFWs) sa tunga it COVID-19 pandemic.

Ginpahayag ni Labor Sec. Silvestre Bello III nga maswerte ro andang departamento bangud sa mabahoe nga pondong gintaeana ni Pangueong Rodrigo Duterte para sa mga OFWs.

Suno kay Sec. Bello, may gintaeanang P5 billion sa ahensya para sa repatriation it mga OFWs.

Samtang sa idaeom it Bayanihan I hay may una nga P1 billion.

Bangud kara, nagapati si Sec. Bello nga bastante eon raya para solusyunan ro kinahang-eanon it mga OFWs, bukon eamang it para sa repatriation kundi para eon man sa reintegration it mga raya.