Business News ———Ginaimbestigahan eon sigon it Department of Energy (DOE) ro mga report angot sa tax concerns it kompanyang Petron, kasunod it plano kara nga pagpasarado it oil refinery sa Bataan.
Suno sa DOE, uwa pa sanda it nababaton nga official notice halin sa kompanya nga may kaangtanan sa ginaistoryahang planong pagpasarado sa pasilidad.
Kaibahan it ahensya ro Department of Finance sa pag-usisa sa nasambitang mga issue sa buwis it kompanya.
Ginatun-an eon man sigon nanda ro posibleng epekto it pagpasarado sa refinery.
Ginpahayag ni Petron president Ramon Ang nga maeapit eon lang nandang isarado ro nasambit nga pasilidad nga may sueod nga 180,000-barrel it langis.
Ro nasambit nga tikang sigon hay tuga it COVID-19 pandemic.
Suno sa business tycoon, masobra sa bilyong piso eon ro lugi it oil company bangud sa pabag-o-bag-ong presyo it langis sa world market.
