$38-M nga droga nga paadto it Australia, naharang sa Hong Kong

International News ———Nakakumpiska it 501 kilos it crystal methamphetamine ukon kilaea bilang shabu ro Customs and Excise Department it Hong Kong.

Ro nasambitang kontrabando nga paadto kunta sa Australia hay nagabalor it masobra sa $38 million.

Nakatago ro nasambitang kargamento sa bueotangan it semento nga imaw ro ginakabig nga pinakamabahoe nga droga nga andang nakumpiska.

Ginasugid nga halin sa Mexico ro nasambitang droga ag raya hay nag-agi sa South Korea ag Vietnam antes nag-abot sa Hong Kong ag paadto sa Australia.

Ginpahayag ni Benson Lee, ro nagadumaea sa Ports and Maritime Command, insigida sandang nagduda sa x-ray rason nga anda rayang ginsita ag tumambad ro nasambitang droga.