19 patay sa pagpamaril sa Kabul University

International News ——-Kapin sa 19 katawo ro namatay matapos nga sanda hay ginbaril it armadong kaeaeakin-an sa Kabul University sa Afghanistan.

Nagpundo eamang ro pagpamaril matapos nga tatlong mga suspek ro napatay it mga rumespondeng kapulisan.

Ninahan man ro 22 katawo sa nasambitang lugar.

Nag-umpisa ro pagpamaril antes pa eamang mag-abot sa campus ro pilang government officials nga magatambong sa pagbukas it Iranian Book Fair.

Hugot man nga ginpamalibaran it Taliban ro nasambitang pang-atake.