Business News ——–Naga-abot it P1.1 billion ro haeaga it kahalitan nga gin-aywan it Super Typhoon Rolly sa sektor it agrikultura, suno kay Sec. William Dar.
Sa sangka press briefing, ginpahayag ni Dar nga 20,000 nga mga mangunguma ro apektado it Bagyong Rolly, nga nag-aywan it kahalitan sa bugas, mais, ag iba pang mga high-value crops.
Samtang, ro Bagyong Quinta man hay nag-aywan it P2 billion nga haeaga it danyos.
Nakataeana nga magtao it bulig ro Department of Agriculture sa apektadong sektor sa pamaagi it igapanupod nga 133,326 bags it rice seeds ag 17,545 bags it corn seeds nga naka-posisyon eon sa mga apektadong rehiyon.
Maeuwas kara, ginapahaum eon man nanda ro ayuda para sa mga apektadong livestock ag poultry owners.
Para sa mga apektadong mangingisda, ginpahayag ni Dar nga magapanupod ro DA it 10 million tilapia ag milkfish fingerlings pati eon man it mga kagamitan sa pagpangisda.
Nagsumbil man ro DA it P25,000 survival ag recovery loan sa mga apektadong mangunguma.
Sa makarun, ro DA hay may una nga P400 million quick response fund nga posibleng gamiton sa rehabilation.
