Kalibo Aklan ——–Sa pihak it ginpagguwa nga bag-ong fare matrix it lokal nga gobyerno it Kalibo kung siin raya eon ro magiging bag-ong panueoktan sa pamasahe, may una sa gihapon nga mga tricycle driver ro nagapamintaha sa andang mga pasahero.
Suno sa tagreklamo nga si Shella Magno, 31-anyos, residente it Brgy. Tigayon, Kalibo nga nagsakay imaw sa sangka tricycle nga may body number KLB-1770 halin sa andang panimaeay paadto it Aklan Provincial Hospital kung siin imaw naga-trabaho.
Pag-abot sigon sa ospital hay ginsukot imaw it 30 pesos nga pamasahe it driver nga nakilaea kay Myron Melgarejo Reportado it Brgy. Linabuan Norte, Kalibo.
Bangud kara, gilayon sigon nga gin-usuyan imaw it tarifa it tagreklamo apang owa raya it maipakita.
Sa pagpati nga masyadong mataas ro pamasahe nga ginsukot kana ni Reportado rason nga nagreklamo sa taeatapan it pulisya si Magno para mataw-an it nagakaigo nga aksyon ro nasambit nga problema kamana man nga mapundo ro posibleng pagpamintaha pa it ibang driver.
