KALIBO, Aklan—Napili bilang judge it Miss Universe Chile pageant ro California-based skin specialist nga si Olivia Quido-Co.
Sambilog imaw sa magapili sa magadaog sa evening gown competition ag no make-up skin preliminary competition sa maabot nga Nobyembre 20.
Nag-umpisa rayang magpatindog it skin clinic sa southern California ko 2003.
Pila sa mga local artist nga anang naging kliyente hay sanday Angel Locsin, Ruffa Gutierrez, KC Concepcion, Claudine Barretto, Venus Raj, Shamcey Supsup, Pia Wurtzbach ag ibang mga celebrities.
Ko 2019 kat mapili imaw nga offiical skin care it Miss Universe nga ginpatigayun sa Atlanta, Georgia.
Owa sigon kara ginaeauman nga mapilian imaw nga maging hurado sa nasambit nga beauty pageant bangud ro tuyo eamang nana hay makilaea ro anang produkto sa bilog nga kalibutan.
