Health News ——-Ginklaro it Chinese biopharmaceutical company nga Sinovac nga uwa it kaangtanan sa andang COVID-19 vaccine ro nailistang serious adverse event sa ginapatigayong clinical trial sa Brazil.
Base sa report, ginpundo it National Health Surveillance Agency it Brazil ro Phase 3 trials it Sinovac matapos ro incident report ko October 29.
Suno sa Sinovac, padayon sandang makikipag-angot sa mga opisyal it Brazil angot sa nasambit nga report.
Kumpyansa sigon sanda nga eowas ro andang developed vaccine kontra sa COVID-19.
Ko kan-o eamang kat ginhambae it Butatan Institute, ro clinical research organization nga partner it kompanya sa trials nga eowas ro bakuna it Sinovac kontra sa COVID-19.
Iya sa Pilipinas, ro bakuna man it Sinovac ro nagapanguna sa aplikasyon para makapatigayon it clinical trials.
Nakapasa eon raya sa vaccine expert panel ag ginahueat pa ro desisyon it research ethics board ag Food and Drug Administration.
