National News ———Gindepensahan ni Sen. Leila de Lima ro anang mga abugado matapos nga akusahan it chief government prosecutor nga may ginaeabag sigon sandang sueondanan sa korte angot sa pagtalakay sa mga nakabinbing kaso sa publiko.
Sa anang dispatch halin sa Kampo Crame kon sa siin imaw nakakulong, ginpahayag ni De Lima nga nagata-o eamang ro anang mga abugado it mga kamatuorang update sa publiko anang sa paghusga kana.
Suno pa sa senadora, kinamatarong sigon nga masayuran it publiko kon ano ro nagakinatabo sa sueod it korte.
Una kara, ginpahayag ni Prosecutor General Benedicto Malcontento nga gusto nandang ma-cite in contempt ro legal team it mamalidha bangud sigon sa pag-eabag sa sub judice rule.
Gin-insister ni Malcontento, ginapili eamang ro parte it depensa nga ginapaguwa nanda sa media.
