Health News——–Gin-insister it Department of Health (DOH) ro paandam kara sa publiko angot sa paggamit it generator sets sa sueod it mga baeay.
Suno sa ahensya, pwedeng magtuga it carbon monoxide poisoning ro paggamit it indoor generator sets, eabi eon sa tyempo nga uwa it supply it kuryente.
Paathag ni Health Usec. Maria Rosario Vergeire nga nagapaguwa it carbon monoxide gas ro exhaust ukon sungaw it generator sets kon gina-andar.
Nagadukot sigon sa eawas ro lason kara ag gina-target nga bayluhan ro nagahatod it oxygen ukon hangin sa utok it tawo.
Suno kay Vergeire, colorless ag odorless ro carbon monoxide gas.
Buot hambaeon, uwa it indikasyon kon nahahanggop eon it tawo ro mapeligrong gas.
Laygay it DOH spokesperson, kon magagamit it generator sets hay siguruhong naka-pwesto raya it 20-feet ro eayo halin sa baeay ukon direktang contact sa tawo.
Pwede man sigon nga gamiton ro mga generator nga nagagamit it baterya para sa enerhiya bangud mas eowas raya sa paeag it carbon monoxide poisoning.
