Balitang Espesyal——–Gulping naging sikat ro sangka Mayor sa Japan matapos ro pagdaog ni U.S. President-elect Joe Biden.
Base sa sistema it pagsueat it mga Japanese hay pwedeng basahon ro pangaean it 73-anyos nga Mayor it Yamato nga si Yutaka Umeda bilang ‘‘Jo Baiden’’.
Nagkaeain-eain ro pwedeng pagmitlang sa kada karakter nga Kanji.
Pwedeng deretsong basahon ro “ume” ag “da” sa pangaean ni Umeda bilang “bai” ag “den” samtang ro karakter para sa anang pangaeang Yutaka hay pwedeng basahon bilang “jo.”
Bangud kara hay gin-uean it mga mensahe ro email ni Yutaka, nga makaron hay naga-isip eon it pamaagi kon paalin nana nga magagamit ro gulpi nana nga pagsikat agud nga ma-promote ro banwa nga anang ginapamunuan.
Maituead ro pagkapareho it pangaean ni Biden ag Yutaka sa natabu ko 2008 kat gulping makilaea man ro banwa it Obama sa Japan matapos magdaog sa pagka-presidente si Barack Obama.
