Kalibo Aklan——-Ginpamalibaran it Land Transportation Office (LTO-Aklan) ro napabalitang pag-obliga sa mga naga-apply nga magbo-oe it drivers license nga mag-tree planting ukon magtanum it puno it kahoy.
Raya ro ginpahayag ni Engr. Marlon Velez, LTO Head it Kalibo District Office.
Suno kana nga ro mga requirements sa pagbo-oe it lisensiya hay nakabaehag sa citizens charter nga aprubado it Civil Service Commission.
Kinahangean sigon nga magbo-oe anay it student permit antes nga makaangkon it non-professional ag professional drivers license.
Ro ginabaton sigon makaron it LTO sa pagbo-oe it lisensiya hay ro live birth certificate ag medical certificate online nga igapasa it mga accredited clinics ag mga doktor.
Kaibahan kara ro magabo-oe it student permit ag mga maga-renew it andang lisensya.
Nadugang sigon sa requirements ro theoretical driving course.
