Health News ——-Nagpaandam ro Philippine Red Cross (PRC) sa publiko angot sa paeag it leptospirosis bangud sa baha nga tuga it magkasunod nga uean bangud sa mga nagtaliwang bagyo sa nasyon.
Suno kay PRC chairman Sen. Richard Gordon, nagapahaom eon ro andang taeatapan para maipapanaog sa komunidad ro mga tikang nga madaling sundon kontra sa impeksyon.
Sangka klase it bacterial infection ro leptospirosis nga nabubueo sa higko it sapat eabi eon it mga eanggam nga kontaminado it leptospira spirochetes bacteria.
Pila sa kilaeang sintomas it sakit ro eagnat, pagpanakit it eawas ag sakit sa ueo.
Ginlaygayan eon sigon it PRC ro mga ospital, health workers ag komunidad nga i-check kon may sintomas eon sa andang lugar.
Gin-engganyo it institusyon ro publiko nga likawan ro pag-eangoy ag pag-eosong sa tubi-baha; kon inde sigon malikawan hay magsuksok it bota; siguruhong nako-kontrol ro mga pesteng eanggam; ag napapabilin ro malimpyong palibot.
