Business News——-Nagpanawagan si House Deputy Minority Leader ag Bayan Muna party-list Rep. Carlos Isagani Zarate sa liderato it Kamara nga aprubahan eon ro House Joint Resolution No. 1 para sa insigidang release it second tranche it P1,000 SSS pension hike.
Marso pa kat aprubahan it Committee on Government Enterprises and Privatization ro nasambit nga hagna suno kay Zarate.
Gin-insister it kongresista nga importanteng maita-o eon sa pilang milyong mga magueang ro dugang nga P1,000 pension increase kasunod it mga nagtaliwang kalamidad.
Mag-eowas sa increase sa SSS pension, importante man sigon nga makaangkon it increase sa social pension para sa mga senior citizens nga bukon it SSS members.
Ro problema sigon sa makaron hay bukon it bastante ro P5,000 social pension kada buean ag ro disqualification it maabong nagakalisod ag deserving senior citizens bangud sa “unreasonable” criteria nga gintaeana it gobyerno.
Makabulig sigon ro loans nga tanyag it SSS makaron apang kinahang-ean gihapon nga bayaran raya it mga pensioners.
