Sports News——–Nakibot ro kalibutan it NBA matapos buhian it Oklahoma City Thunder ro andang All-Star guard nga si Chris Paul paadto sa Phoenix Suns.
Kabaylo sa pag-trade kay Paul hay ap-at nga mga players.
Bangud kara, maadto eon sa Thunder sanday Ricky Rubio, Kelly Oubre, Jalen Lecque, Ty Jerome ag ro first-round pick sa tunga it 2022 ag 2025.
Apang, ro nasambitang impormasyon hay uwa pa sigon naisapinal it liga.
Kon madayon ro pag-trade kay Paul, makaibahan nana sa team it Suns ro sambilog sa grabeng shooter sa NBA ag sangka All-Star nga si Devin Booker.
Kon madumduman, sa kasagsagan it NBA bubble maskin naka 8-0 sa restart ro Phoenix, kinueang man raya pag-abot sa playoffs.
Samtang, gulpi eon lang nagta-o it reaksiyon si Ricky Rubio sa social media ag nahambae eon lang ro mga kataga “negosyo eon mismo ro NBA.”
